برجك اليوم

المصدر : صفحة الفلكي منيب الشيخ

أبراج الخميس8نوفمبر2018

القمر ببرج العقرب واخر السهرة بينتقل لبرج القوس
المشتري عم ينتقل لبرج القوس ليضل سنة كاملة ويعطي الأبراج طاقة كبيرة بالحظ والتفاؤل وتتطور العلاقات الخارجية والسياحة ونميل أكتر لنكون ايجابيين ..

الحمل

تطورات حلوة ناطرتك وأمور مالية وكل شي عم يكون افضل وفي مال وحلول ومصالحات وشفاء من مرض وحل لقضية قانونية واحتمال تتعرف على شخص جديد المسا ..
♡ عاطفيا : من الايام الجيدة لوقت ممتع مع الشريك فخليك متفائل فيه ..
انتقال المشتري للقوس بعزز عندك العلاقات وامور الدراسة وبيدعم السفر بشكل كبير وبحررك من القيود وبخليك تميل للمغامرة وبتنجح على مدار سنة كاملة ..
■النسبة المئوية :
●مهنيا : %70 ●ماليا : %77 ●عاطفيا : %74 ●صحيا : %72

الثور

يوم منيح لشراكات ناطرتك حاول تكون قدر الامكان دبلماسي بهيك يوم وهدي بعلاقاتك مع محيطك وكمان عندك شوية توتر مشان هيك لازم تنتبه من نهاية شراكة وتكون هادي بالتعامل مع محيطك والمسا افضل وبترتاح وبتحل مشكلة ..
♡ عاطفيا : يوم جيد لتتم ارتباط فيه فخليك جاهز لكن انتبه من قصة بتخص الارتباط ..
انتقال المشتري للقوس بساعدك لتحل مشاكل سابقة وبتحصل على مال من ميراث او شراكة وسنة افضل من ناحية التعامل مع المحيطين فيك
■النسبة المئوية :
●مهنيا : %60 ●ماليا : %63 ●عاطفيا : %65 ●صحيا : %67

الجوزاء

عم تدخل يوم في كتير قصص لازم تخلصها وماتتركها تتراكم عليك يمكن تكون تعبان شوي ومرهق لكن اهم شي تنظم امورك وتنتبه لصحتك وانشالله يوم جيد والمسا جيد للشراكات ..
♡ عاطفيا : من الايام يلي فيها احساس بالوحدة رغم كترة الناس يلي معك وحاول تكون متفهم ..
انتقال المشتري للقوس بيدعم عندك الشراكات المهنية والعاطفية وبحسنها وبيفتح الباب لشراكات جديدة وفي كتير من مواليد الجوزاء رح يتمو ارتباط خلال الفترة القادمة ..
■النسبة المئوية :
●مهنيا : %58 ●ماليا : %61 ●عاطفيا : %66 ●صحيا : %64

السرطان

تطورات حلوة على الصعيد المهني والعاطفة وكمان بتحس انو في حظ بلش يدعمك حاول تستغل هي الظروف لتحسن وضعك وتحل مشاكلك العائلية وفي اخبار حلوة ممكن تسمعها والمسا في قصة صحية ..
♡ عاطفيا : الامور العاطفية هية الافضل عندك وممكن تتم خطبة بهالفترة وترجع حب قديم ..
انتقال المشتري للقوس بيعطيك فرص لشغل جديد وبحسن علاقاتك ضمن شغلك وبكون في تحسن كبير ناطرة صحيا فحاول تستغل هالشي ..
■النسبة المئوية :
●مهنيا : %82 ●ماليا : %80 ●عاطفيا : %85 ●صحيا : %77

الأسد

تغييرات عائلية عم تشغلك وفي امور مهنية كمان بحاجة تركيز منك ويمكن هالشهر عم تبيع او تشتري عقار وعندك موضوع بخص اهلك عم يشغلك فدير بالك واخر السهرة بتتحسن امورك وبتحل مشكلة ..
♡ عاطفيا : وضعك العاطفي بالنهار شوي تعبان لكن المسا اكيد افضل فاطمن ..
انتقال المشتري للقوس بخليك تكون مرتاح اكتر وفي فرص مهنية وعاطفية ناطرتك وتطورات ايجابية بالحظ والعاطفة على مدار سنة لقدام ..
■النسبة المئوية :
●مهنيا : %66 ●ماليا : %69 ●عاطفيا : %72 ●صحيا : %63

العذراء

اطمن رح تكون اوضاعك ميسرة وفي اخبار حلوة ناطراك خلال النهار وفرص سفر ولقاءات حلوة وبتكون على تواصل مع ناس كتير وكمان عم تفكر تشتري سيارة او موبايل وانتبهلي من الحوادث واخر السهرة قصة عائلية عندك ..
♡ عاطفيا : عندك نهار حلو ومهم للقاءات عاطفية وعم تقدر تحل مشاكلك مع الشريك ..
انتقال المشتري لبرج القوس بعمل عندك تغييررات بمكان السكن او حتى مكان الشغل وبتكون مرتاح اكتر ضمن الاجواء العائلية ..
■النسبة المئوية :
●مهنيا : %76 ●ماليا : %74 ●عاطفيا : %79 ●صحيا : %71

الميزان

يوم منيح لتحصل فيه على المال او تبدا شغل جديد ويكون الك مشروعك الخاص حاول تفكر بموارد جديدة ناطرتك وفي عندك نهاية السهرة اتصال بفرحك ..
♡ عاطفيا : وضعك العاطفي بحاجة اهتمام اكتر من الشريك والمسا بتكون افضل بعلاقتك ..
انتقال المشتري لبرج القوس بيدعم تنقلاتك وسفر وتواصلك مع محيطك وبتحصل على حريتك بالتعامل وبتنجح وبتكون قادر تصل لاكبر عدد من الناس ..
■النسبة المئوية :
●مهنيا : %69 ●ماليا : %79 ●عاطفيا : %75 ●صحيا : %72

العقرب

من افضل الايام يلي ناطرتك هاد الشهر فحاول تستغل كل الوقت فيه وافتح صفحة جديدة وفكر بمستقبلك وقادر بهاليوم تصل لحل لمشاكلك وتطلع من التعب يلي عم تعاني منو واخر السهرة في مال عندك ..
♡ عاطفيا : الاجواء العاطفية عندك مساعدة لبداية حب جديد مشان هيك خلي قلبك مفتوح ..
انتقال المشتري لبرج القوس بيدعمك من الناحية المالية لتحصل على ثروة من اي شغل بتعملو خلال السنة القادمة ..
■النسبة المئوية :
●مهنيا : %90 ●ماليا : %88 ●عاطفيا : %85 ●صحيا : %82

القوس

عم تكون مدايق وفي قصص عم تحصل معك ماعم تعرف سببها وليش عم تعاكسك الدنيا بهاليوم انتبه وهدي بالنهار ومن بكرا المسا بتتحسن الامور عندك وبتوضح اكيد ..
♡ عاطفيا : حاول تكون هادي بعلاقاتك لان في عدم ارتياح بهاليوم عندك والمسا افضل ..
انتقال المشتري لبرجك بساعدك لسنة كاملة بالحظ والطاقة يلي رح تقلب حياتك للافضل انشالله ..
■النسبة المئوية :
●مهنيا : %59 ●ماليا : %66 ●عاطفيا : %70 ●صحيا : %68

الجدي

ناطرتك اوقات حلوة خلال هالنهار مع رفقاتك بعزيمة او لقاءات محببة على قلبك فعزز هالشي وكون قريب من اصدقاءك وبعد عن الوحدة والمسا انتبه من قصة ممكن تعاني منها ..
♡ عاطفيا : الاجواء حلوة مع الشريك عم تدعمك بالنهار وكتير عم تكون ملفت للنظر ..
انتقال المشتري للقوس بيعطيك فرص لشغل ضمن مؤسسة كبيرة وبتعيد حساباتك بكتير ناس بحياتك ..
■النسبة المئوية :
●مهنيا : %64 ●ماليا : %62 ●عاطفيا : %70 ●صحيا : %61

الدلو

الوضع العام عندك عم يشهد امور مهمة بالشغل وناطرك تطورات بحاجة انتباه لان يوم مصيري بدو تركيز كبير وعدم التهاون خاصة بلقاء المسؤولين عندك ولاتخالف القوانين والمسا افضل بلقاء حلو ..
♡ عاطفيا : من الايام المنيحة لكن بعد مااستقرت العاطفة عندك فحاول تفكر بهدوء لتحسن العلاقة ..
انتقال المشتري للقوس بيدعم علاقاتك الاجتماعية وبيعطيك احلى سنة مع الاصحاب ولتحقق امنية ..
■النسبة المئوية :
●مهنيا : %70 ●ماليا : %73 ●عاطفيا : %77 ●صحيا : %65

الحوت

عم تمر بفترات حلوة لسفر ومعارف جديدة وعم تقدر تنجح وتطلع من حالتك وتكون قريب من الكل بحضورك المميز وقدرتك على الاقناع وفي كتير احداث حلوة ناطرتك وتفكير بشغل مهم المسا ..
♡ عاطفيا : الوضع العاطفي تمام عندك لحب جديد ناطرك فكون على الموعد ..
انتقال المشتري للقوس بيدعم عندك العمل والمكانة الاجتماعية فممكن تصل للشهرة وتكون بمنصب مهم او تترقى بشغلك ..
■النسبة المئوية :
●مهنيا : %88 ●ماليا : %82 ●عاطفيا : %85 ●صحيا : %77

 

قد يعجبك ايضا