برجك اليوم

المصدر : صفحة الفلكي منيب الشيخ الرسمية 

أبراج الأربعاء5ديسمبر2018
القمر بكرا عم يكمل ببرج العقرب

الحمل

حلو يومك وفي تحسن بوضعك المالي ..
انت بحال أفضل وعم يكون يومك مريح بعد ايام كتير كان فيها توتر ورح ترتاح نسبيا وتلاقي حلول وحتى عندك فرص مالية من شراكات او ميراث بالمجمل يوم اهدى وافضل استغل هالشي بمصالحات ..
 عاطفيا : عم تفكر بنهاية علاقة عندك وضايج لكن بدي منك تهدى ورح يكون في حلول ..
■النسبة المئوية :
●مهنيا : %66 ●ماليا : %74 ●عاطفيا : %70 ●صحيا : %68

الثور

انتبه لشراكاتك المهنية وعزز علاقاتك ..
انت مو مرتاح كتير ومن الأيام يلي بتحس فيها بكتير ضغوط وخاصة من جهة الشراكات وهااشي باثر عليك حاول تهدى قدر الامكان وتعزز شراكاتك لان اي كلمة عم تزعجك وانشالله الأمور بتكون افضل ..
 عاطفيا : ماحدا عم يستوعبك وفترة فيها كتير ضغط عندك وعند البعض في فرص ارتباط
■النسبة المئوية :
●مهنيا : %58 ●ماليا : %68 ●عاطفيا : %63 ●صحيا : %60

الجوزاء

شغل عندك ومسؤوليات عم تزيد ..
انت كتير مضغوط وبهاليوم بكون في على عاتقك شغل كتير بوقت قليل لازم تنظم امورك وتخلص الضروري حتى ماحدا يلومك على تقصير وكمان انتبه لوضعك الصحي وحاول ترتاح وقت تقدر ..
 عاطفيا : الوضع العاطفي عندك بحاجة اهتمام من الشريك ووضوح بالتعامل حتى تستمر العلاقة ..
■النسبة المئوية :
●مهنيا : %61 ●ماليا : %64 ●عاطفيا : %60 ●صحيا : %58

السرطان

منيح يومك عاطفيا ومهنيا فاستغلو ..
انت بحال أفضل وعم يكون عندك يوم من الأيام الجيدة لتحل فيها مشاكلك وتلاقي فرص جديدة بتساعدك لتغير وضعك للأفضل وخاصة بوضعك العائلي وكمان ممكن يكون في اخبار حلوة لبداية شغل جديد ..
 عاطفيا : استغل يومك عاطفيا لأن ممكن يشهد عودة حب قديم او تطورات جديدة بحب جديد ..
■النسبة المئوية :
●مهنيا : %86 ●ماليا : %83 ●عاطفيا : %89 ●صحيا : %78

الأسد

وضع عائلي عم يشغلك وتغييرات ..
انت مو كتير مرتاح ويومك عم يشغلك بامور بتخص البيت او حتى بيع او شراء عقار حاول تهدي وماتتسرع وتعامل بحكمة لان كتير ناس عم تقلب الامور ضدك ودير بالك على أهلك وصحتك بهاليوم ..
 عاطفيا : الامور العاطفية عندك بحاجة ترتيب وماعم تشعر بتحسن وخاصة بسبب اوضاعك المكركبة لكن المؤقتة ..
■النسبة المئوية :
●مهنيا : %70 ●ماليا : %61 ●عاطفيا : %67 ●صحيا : %63

العذراء

تطورات حلوة وسفر ولقاءات عندك ..
يوم حلو وعم يكون يوم داعم في فرص مناسبة انك تسافر وتتلقى اتصالات كتير تعزز وضع بالعلاقات مع محيطك وتكون ناجح بالشي يلي بدك تعملو كمان بتتعرف على ناس جديدة لكن انتبه من الحوادث ..
 عاطفيا : انت بوضع جيد لتحسن علاقتك بالشريك بهاليوم او حتى لتحصل على شريك جديد ..
■النسبة المئوية :
●مهنيا : %74 ●ماليا : %70 ●عاطفيا : %77 ●صحيا : %68

الميزان

يوم في مصاريف ومال فانتبه ..
انت بأزمة مالية وبهاليوم عم تدور الأحداث عندك ضمن قصص مالية عم تدفع أو تقبض وبدك تلاقي موارد جديدة لوضعك العام وهالشي بخليك ناطر مبلغ من شخص وعم تعيد حساباتك المالية ..
 عاطفيا : الوضع العام عم يخليك تمل وتبرد عاطفتك تجاه الشريك والاعذب ناطروا حب قادم ..
■النسبة المئوية :
●مهنيا : %69 ●ماليا : %78 ●عاطفيا : %75 ●صحيا : %77

العقرب

تطورات حلوة انفراج وحلول وطلتك ساحرة ..
عم تكشف الناس على حقيقتها ومن الأيام يلي بترتاح فيها لمجرى الأمور بعد ايام كان فيها توتر وضغط كبير وانت مقبل على بداية شغل جديد او قصة جديدة رح تغير فيها حياتك والحظ بهاليوم بيدعمك ..
 عاطفيا : استغل يومك وسحرك لتحصل على اعلى درجات الجاذبية والحب من الناس المحيطة الك ..
■النسبة المئوية :
●مهنيا : %92 ●ماليا : %87 ●عاطفيا : %85 ●صحيا : %82

القوس

مو كتير مرتاح بس بتحس انو في تأجيل هاليوم ..
موعبعضك وعم تكون مو مرتاح بهاليوم أو في قصة عم تشغلك لازم تنتبه منيح لتطورات الأوضاع عندك وماتتسرع بأي شي وحتى الانفعال لازم تضبطو لان اي كلمة عم تنحسب عليك وفي ناس بتحاول تخدعك..
 عاطفيا : الوضع العاطفي عندك عم يشهد عدم رضا منك وفي قصة عم يعملها الشريك ماعم تريحك ..
■النسبة المئوية :
●مهنيا : %62 ●ماليا : %67 ●عاطفيا : %60 ●صحيا : %58

الجدي

يوم في لقاءات واجواء اجتماعية ..
طلتك حلوة وانت بوضع منيح وعم يكون يومك حافل بالرفقة الحلوة يلي رح تجمعك فين لقاءات او حتى عزايم ورح تنبسط بالوضع العام وفيك تطلب اي مساعدة بتحتاجها منن وحاول بهاليوم لاتبقى لحالك ..
 عاطفيا : عندك حضور مميز بهاليوم وكتير اصدقاء حاطين عينن عليك بهالفترة ..
■النسبة المئوية :
●مهنيا : %71 ●ماليا : %70 ●عاطفيا : %77 ●صحيا : %72

الدلو

يوم مهم لشغل عندك وقصة مهنية مصيرية..
انتبه عم يكون يومك في كتير قصص بتخص وضعك المهني ممكن تغيير بشغلك او مشكلة مع حدا من المسؤولين عنك مشان هيك بدي منك تنتبه واكيد الوضع بدو رواق وبدون عناد ومخالفة القوانين ..
 عاطفيا : انت بوضع عاطفي صعب عم تحس مافي امل من علاقتك بأغلب الوقت فهدي هالفترة ..
■النسبة المئوية :
●مهنيا : %72 ●ماليا : %66 ●عاطفيا : %74 ●صحيا : %68

الحوت

يوم في سفر وتواصل ونجاح ..
انت مدعوم بالطاقة وعم يكون يوم داعم على كل الأصعدة عندك والنجاح ناطرك بهاليوم كمان عندم القدرة انك تصل لناس جدد بحياتك وتتلقى اتصالات بعيدة وتكون محط انظار كتار غير انك ممكن تسافر ..
 عاطفيا : انتبه لحساسيتك بالعلاقة وانت رح تكون بيوم بعيد العلاقة لأفضل حال ..
■النسبة المئوية :
●مهنيا : %87 ●ماليا : %80 ●عاطفيا : %85 ●صحيا : %82

قد يعجبك ايضا