برجك اليوم

المصدر: صفحة الفلكي منيب الشيخ

أبراج الاثنين10ديسمبر2018
القمر ببرج الجدي مستمر كمان

الحمل

يوم بدو مسايرة وانتباه بالشغل عندك ..
يوم مصيري عندك من حيث التعامل مع الناس والعيون عم تكون عليك فانتبه وكون دقيق وشاطر لتصل للمكانة يلي بتطمحلها او المنصب وحتى يمكن عم تستلم شغل جديد بهاد اليوم بس لاتخالف القوانين ..
♡ عاطفيا : انت بوضع جيد نسبيا اذا عرفت كيف تتصرف مع الشريك بهالفترة ..
■النسبة المئوية :
●مهنيا : %76 ●ماليا : %68 ●عاطفيا : %74 ●صحيا : %72

الثور

منيح يومك بسفر واتصالات حلوة ..
وضعك منيح وفي حظ بيدعمك بهالشهر ولازم تستغل هيك فترة لتطور بوضعك مع محيطك القريب والبعيد لان بتشوف اشخاص جدد ويمكن تسافر وتتلقى اتصالات بعيدة وانتبه اثناء سفرك وجهز منيح ..
♡ عاطفيا : يمكن بهاليوم عم تتعرف على أشخاص جديدة ويكون في تقارب سريع بوجهات النظر معن واعجاب ممكن ..
■النسبة المئوية :
●مهنيا : %83 ●ماليا : %77 ●عاطفيا : %88 ●صحيا : %84

الجوزاء

بترتاح وبتحل مشكلة ومال عندك ..
بتطلع من تعبك وانت بيوم افضل نسبيا عم تحل بعض المشاكل يلي كانت تاعبتك وفي مال ممكن تحصل عليه من شراكة وبتحس بارتياح نسبي بوضعك العام فحاول تكون متفهم واكيد مصالحات عندك ..
♡ عاطفيا : اجواء حلوة لبعض مواليد الجوزاء بهاليوم وفي تحسن بوضع العلاقة ..
■النسبة المئوية :
●مهنيا : %66 ●ماليا : %74 ●عاطفيا : %70 ●صحيا : %69

السرطان 

عندك شراكات وقصص مهنية ومتوتر فانتبه ..
حاول تكون بعيد عن المواجهات وهاليوم بدو منك تصرف بحكمة انت بوضع ضعيف بطاقتك مشان هيك اي مواجهة الافضل تتجنبها ليمر بسلام وحتى ماتفقد شغلك وفيك تبدا شغل على اساس شراكة ..
♡ عاطفيا : الشراكة العاطفية عندك منيحة كارتباط بس مابعرف لي بحس انو في مشاكل ممكن يعانو منها المرتبطين بهاليوم ..
■النسبة المئوية :
●مهنيا : %58 ●ماليا : %61 ●عاطفيا : %65 ●صحيا : %63

الأسد

شغل جديد ومسؤوليات وانتبه صحيا ..
مشغول وعم يبدا يومك بكتير قصص لازم تخلصها بوقتها كمان لازم بهاليوم نظام غذائي وصحي حتى تحافظ على صحتك وتحاول ترتاح قدر الامكان وأهم شي ماتخلي الشغل يتراكم وتخلص الضروري بوقتو ..
♡ عاطفيا : انت بحاجة لسند حقيقي بهاليوم ويفضل الشريك يهتم ويقدر ظروفك أكيد ..
■النسبة المئوية :
●مهنيا : %62 ●ماليا : %63 ●عاطفيا : %65 ●صحيا : %58

العذراء

منيح هاليوم عاطفيا ومهنيا عندك ..
بتكون بوضع اريح وبكون في حظ وعم تدخل نهار حلو بمعنى الكلمة بتلافي فيه حالك عم تسمع اخبار حلوة وتحسن بوضعك العام وفرص لشغل جديد وكمان مال وحتى بتنشغل بقصص بتخص الاطفال ..
♡ عاطفيا : من أفضل أيامك العاطفية لتغير وضعك والشريك بكون قريب منك ..
■النسبة المئوية :
●مهنيا : %83 ●ماليا : %85 ●عاطفيا : %88 ●صحيا : %80

الميزان

وضع عائلي بعدو شاغلك وتغييرات بشغلك ..
حاول تهدي عندك يوم للعيلة عم ينشغل بالك على أهلك وعم تكون منفعل زيادة بدي منك تفكر بحل الأمور برواق لأن في قصة بتجمع عليها العيلة انشالله تكون مناسبة سعيدة وانتبه من الضغط وصحيا ..
♡ عاطفيا : وضعك العاطفي كتير عم يتعبك يمكن لازم تحل شوي من قصص البيت لترتاح مع الشريك ..
■النسبة المئوية :
●مهنيا : %65 ●ماليا : %68 ●عاطفيا : %62 ●صحيا : %60

العقرب

يومك حلو وقادر توصل رايك وتنجح ..
بتتحسن امورك وعم تكون قادر تخلص عمل كتير بوقت قليل وفيك تسافر كمان اليوم لكن انتبه من حوادث السير او من قصص بتخص موبايلك وكمان لازم تهتم بحدا من اخواتك ويوم حلو بالمجمل .
♡ عاطفيا : تعامل بهدوء مع الشريك ويمكن تتعرف على شخص جديد يدق قلبك الو ..
■النسبة المئوية :
●مهنيا : %77 ●ماليا : %70 ●عاطفيا : %75 ●صحيا : %72

القوس

انتبه لصرفك الزايد ومال ممكن تحصل عليه..
تفائل لان يومك في كتير قصص بتخليك تعيد حساباتك بوضعك المالي واذا ناطر مبلغ ممكن يجيك بس حاول تفكر بشغل جديد حتى تدعم مواردك وكمان ضب مصروفك حتى ماتكون بمأزق مالي ..
♡ عاطفيا : عندك شوية احساس بانو الشريك بعيد عنك وعم تضوج من الاهمال احيانا ..
■النسبة المئوية :
●مهنيا : %67 ●ماليا : %77 ●عاطفيا : %73 ●صحيا : %75

الجدي

حلول لمشاكلك وتحسن نسبي بوضعك ..
انت أفضل ومن الايام الحلوة يلي بتوضح عندك فيها الامور المهنية والعائلية بعد ما تعبتك كتير اخر فترة وبتحط حد للحكي والمشاكل ولازم تحسم وضعك بالشي يلي بناسبك تفتح صفحة جديدة بشغلك ..
♡ عاطفيا : حاول تهدي لان العلاقة يلي تاعبتك بلاها احسن وفكر بحب يريحك ..
■النسبة المئوية :
●مهنيا : %85 ●ماليا : %80 ●عاطفيا : %86 ●صحيا : %78

الدلو

يوم في قصص بتتاجل ومابتكون رضيان ..
مدايق وماحدا عم يقدر تعبك او حتى عم يريحك التعامل معو بتحس انك بمتاهة وفي مشكلة بالتواصل وقصة حادث ممكن يطرأ لازم تنتبه ولاتعطي اهمية لكلام الناس ومرقلي هالنهار بدون انفعال ..
♡ عاطفيا : كتير امور بتحصل بتخليك تفقد الأمل بامكانية الحلول معليش روق وتركها للايام ..
■النسبة المئوية :
●مهنيا : %59 ●ماليا : %63 ●عاطفيا : %66 ●صحيا : %60

الحوت

يومك منيح للقاءات ورفقة وعزايم ..
افضل بوضعك الاجتماعي وبكون يومك منيح مع الناس الكتير يلي عم تدعمك وتحكيك وعم تلتقي اصدقاء من زمان ماشفتن وتحضر عزيمة او مناسبة اجتماعية وتحصل على الدعم والمساعدة من المحيطين فيك ..
♡ عاطفيا : حاول تصلح المشاكل مع الشريك وجاذبيتك مرتفعة بهاليوم فاستغل هالشي ..
■النسبة المئوية :
●مهنيا : %72 ●ماليا : %71 ●عاطفيا : %77 ●صحيا : %75

قد يعجبك ايضا