برجك اليوم

المصدر :  الفلكي منيب الشيخ

أبراج الاثنين17ديسمبر2018
القمر مكمل ببرج الحمل

الحمل

تطورات حلوة واخبار بتسعدك هاليوم ..
بتكون أفضل وبترتاح وعم تحصل على دعم من الناس يلي حوليك وعم ترجع الثقة من جديد وتكون طاقتك غير حاول تفتح صفحة جديدة وانسى الماضي وفكر بخطوات مناسبة لوضعك وشغلك وحياتك ..
عاطفيا .. يوم بيحملك عاطفة وحب جديد اذا كنت عم تفكر بهالشي وفرصة حب جديد ..
■النسبة المئوية :
●مهنيا : %90 ●ماليا : %82 ●عاطفيا : %87 ●صحيا : %84

الثور

يوم في تأجيل فأصبر وهدي ولاتتسرع بشي ..
مو رايق بهيك يوم مدايق وماعم تعرف ليش حاسس حالك مو مرتاح وكأنو كل شي ماشي بالعكس وبدل ماتتقدم عم تتراجع بدي منك ماتخاف هي حالة ورح تنتهي بدي منك تصبر وتراعي صحتك هاليوم ..
عاطفيا .. لاتزعل على حدا المهم انت خليك بعيد عن الانفعال والعصبية ولاتحكم عالشريك ..
■النسبة المئوية :
●مهنيا : %62 ●ماليا : %60 ●عاطفيا : %58 ●صحيا : %65

الجوزاء

اجواء اجتماعية ولقاء بشخص غالي ..
يومك منيح بالعلاقات واللقاءات وممكن اليوم تفكر بقصة وتطلب مساعدة لتصل للي بدك ياه لاتبقى لحالك ورح تحصل على الدعم المطلوب من وجودك مع رفقاتك وممكن تنعزم مع شخص غالي عليك ..
عاطفيا .. انت أكبر من انو تتنازل وهاد الصح برأيي حاول تنهي كل شي بمجرد انتهى الاهتمام ..
■النسبة المئوية :
●مهنيا : %75 ●ماليا : %77 ●عاطفيا : %79 ●صحيا : %71

السرطان

يومك لشغل وقصة مصيرية واختبار الك ..
كون دقيق لأنك بهاليوم عم تفكر بشغل جديد او تغير شي بحياتك هي الفترة والتطور يلي عم تمر فيه يوم بيحتاج منك السرعة والتعامل السليم مع كل شي وخصوصا الاعداء وفي عندك موضوع مهم بيشغلك ..
عاطفيا .. بتشعر انو في فرصة من لقاءات عفوية ليصير حب وتكبر علاقة مستقبلا خليك جاهز ..
■النسبة المئوية :
●مهنيا : %72 ●ماليا : %66 ●عاطفيا : %73 ●صحيا : %75

الأسد

منيح يومك لتسافر وتلتقي ناس جديدة ..
عندك تطورات ايجابية بتدعمك بهاليوم وعم تبدا شغل او علم جديد كلها احداث ايجابية بيوم منيح نسبيا حاول تستغل كل الوقت لتحسن وضعك بهاليوم وتصل لحلول وتفاهم مع محيطك وفرص سفر ..
عاطفيا .. انت مشرق وحليان وهالشي عم يعطيك اخبار حلوة رومنسيا ولقاء مع الشريك يمكن ..
■النسبة المئوية :
●مهنيا : %84 ●ماليا : %81 ●عاطفيا : %86 ●صحيا : %85

العذراء

حلول ومال عندك وتحسن بوضعك ..
بترتاح هاليوم وعم تناقش أمور مالية بتخص موضوع شراكة وحاول تحل القصص يلي كانت عالقة خاصة اذا قانونية وعندك تحسن والضغوط يلي كانت بتبلش تروح وبتحس حالك افضل بكتير ..
عاطفيا .. ساحر عم تكون بهالفترات حاول ماتستفز الشريك ورح ترجع الأمور معو افضل اما الأعذب فرصة لتبدأ رحلة حب جديد ..
■النسبة المئوية :
●مهنيا : %68 ●ماليا : %77 ●عاطفيا : %70 ●صحيا : %74

الميزان

يوم منيح لشراكات جديدة بس انتبه من التوتر ..
يوم في ضغط بس انت قادر تعمل عقد شراكة مع حدا بس خليك منتبه ودقيق لكل شي يمكن مو مرتاح وهالشي رح ينتهي قريبا فلا تحملها زيادة وحاول ماتصعد الخلافات مع محيطك لأن رح ينحط اللوم عليك ..
عاطفيا .. بتشعر أنك بحاجة لشخص غير كل يلي قابلتن بحاجة لحدا مميز يقدر يقنعك بحبو الك ..
■النسبة المئوية :
●مهنيا : %61 ●ماليا : %58 ●عاطفيا : %67 ●صحيا : %63

العقرب

يوم لبداية شغل وقصص بدها ترتيب عندك ..
كتير عندك شغل وهالشي مابخوف لأنك قادر تخلص كل شي اذا بكرت وما تاخرت بشي ورتبت أمورك وبدي منك تحافظ على صحتك خاصة من الناحية النفسية وتبتعد عن المشاحنات وعندك بداية شغل جديد ..
عاطفيا .. متردد بعلاقتك وعم تحس انو مابدك تغلط او مابدك تكفي والأمور عم تحيرك ..
■النسبة المئوية :
●مهنيا : %60 ●ماليا : %59 ●عاطفيا : %67 ●صحيا : %61

القوس

منيح يومك بالحظ والعاطفة فاستغل هالشي ..
انت مميز وبتتحسن اوضاعك العائلية وعندك يوم أفضل بيحملك اوقات حلوة وبتشعر انو نفسيتك صارت اهدى وفي شي منيح عم يصير وتحسن مهني تفاعل مع محيطك بايجابية ولاتخاف الحظ معك ..
عاطفيا .. من افضل الايام للعاطفة والحب فبادر وخلي ثقتك بحالك كبيرة لكن انتبه من سوء تفاهم ..
■النسبة المئوية :
●مهنيا : %86 ●ماليا : %83 ●عاطفيا : %91 ●صحيا : %80

الجدي

عندك تطورات بالبيت وبينشغل بالك على أهلك ..
مو عبعضك وبتعيش حالة من القلق على بيتك وأهلك وبتحس انو عليك مسؤوليات كبيرة ولازم تحل القصص العالقة هالشي بيتعبك وبحطك بوضع صعب بس انت قدها ورح تنحل وحاول تتفهم الوضع ..
عاطفيا .. عم تحلى وتزيد جاذبيتك وهالشي بيعطيك فرص حلوة لحب جديد ..
■النسبة المئوية :
●مهنيا : %63 ●ماليا : %67 ●عاطفيا : %65 ●صحيا : %59

الدلو

يومك حلو وفي سفر وتواصل ونجاح ..
يوم منيح لتتواصل وتتلقى اتصالات من ناس كتير وقادر تصل وتعزز ثقة الكل فيك وممكن يشغلك موضوع بخص احد الاخوة أو الجيران وبالمجمل وضعك منيح بس انتبه من سوء تفاهم ومن حوادث ممكنة ..
عاطفيا .. حاول تختار صح بحبك اذا بدك يستمر ولا تتسرع وكون مع الشريك الصح ..
■النسبة المئوية :
●مهنيا : %73 ●ماليا : %70 ●عاطفيا : %78 ●صحيا : %75

الحوت

يوم في شغل ومال ممكن يجيك ..
بدي منك تنتبه من خسارة مالية او مصاريف بلا طعمة انت بحاجة لضبط مصروفك بهاليوم واحتمال تحصل على مبلغ مالي لكن لازم تعرف كيف تتصرف وتضب ايدك شوي لتحافظ على يلي بقي معك ..
عاطفيا .. الاصدقاء عم يدعموك وبتزيد قدرتك على جذب صديق وتحويل هي الصداقة لحب ..
■النسبة المئوية :
●مهنيا : %70 ●ماليا : %80 ●عاطفيا : %73 ●صحيا : %69

قد يعجبك ايضا