برجك اليوم

المصدر : صفحة  الفلكي منيب الشيخ

أبراج الثلاثاء18ديسمبر2018
القمر عم ينتقل بكرا الضهر لبرج الثور

الحمل

يومك منيح وفي مال ناطرك فيه ..
يوم مشرق أنت فيه طاقتك عالية بداية النهار وفي حلول وبعد الضهر عم تفكر اليوم بموارد مالية جديدة او كيف بدك تحسن شغلك ويكون في مردود افضل او انو تبدا شغل جديد وانتبهلي لمصروقك ..
عاطفيا .. بهاليوم انت قدام نجاح عاطفي اذا قررت تستقر فكون جاهز واختار صح ..
■النسبة المئوية :
●مهنيا : %72 ●ماليا : %79 ●عاطفيا : %75 ●صحيا : %74

الثور

بداية نهارك متعبة والمسا بتكون تمام ..
الصبح عدم راحة وبعد الضهر عم ترتفع الطاقة وممكن تسمع خبر حلو عم تطلع من حالة الركود ويكون في شي الك ممكن قصة بتنحل او شي جديد فخليك مستعد ورجع مكانتك بين الكل ورح تكون محظوظخ ..
عاطفيا ..من بعد صباح صعب انت افضل فلا تنطر الماضي وفكر بارتباط او استقرار حتى ترتاح ..
■النسبة المئوية :
●مهنيا : %86 ●ماليا : %84 ●عاطفيا : %80 ●صحيا : %82

الجوزاء

حلوة بداية نهارك بعلاقات والمسا تأجيل عندك..
بدي منك تحاول تخلص امورك الصبح لان المسا عندك توتر وعدم راحة وبتحس انو الدنيا مسكرة طبعا انت هيك رح تكون لكن الأمور مو بهالسوء ورح تفرج عليك قريبا بس مرقلي هالفترة على خير ..
عاطفيا .. لازم تعيش بعيد عن العناد بهاليوم وبفضل تعيد حساباتك بعلاقتك هاليوم ..
■النسبة المئوية :
●مهنيا : %68 ●ماليا : %60 ●عاطفيا : %65 ●صحيا : %62

السرطان

يومك بين شغل ولقاءات المسا ..
انت بصباح متور وبعد الضهر عم تتلقى مساعدة صديق اذا بدك وعم تنعزم وهالشي بخليك بحال افضل ووضعك مريح نسبيا ضمن الضغوط العامة فاستغل هاليوم لكن بنفس الوقت لازم ماتبقى لحالك ..
عاطفيا .. لازم تفكر اكتر بعلاقاتك وتحاول تحل الأمور وماتتنازل حتى لو قلبك مشتاق ..
■النسبة المئوية :
●مهنيا : %67 ●ماليا : %70 ●عاطفيا : %73 ●صحيا : %75

الأسد

تطورات عندك الصبح وفرص شغل عندك ..
مميز وساحر الصبح وبعد الضهر حالة من التوتر عم تسيطر عليك حاول تبقى بعيد عن الانفعال وانتبه بمجال عملك حتى ماحدا ينتقدك وحاول تنجز شي وتكون دقيق بشغلك وانتبه من الناس يلي معك وركز دايما ..
عاطفيا .. انت بحالة عاطفية مميزة لكن في شوية حساسية انتبه من هالشي وروق ..
■النسبة المئوية :
●مهنيا : %74 ●ماليا : %64 ●عاطفيا : %69 ●صحيا : %70

العذراء

يوم لتطورات بعد الضهر وحلول ومال ..
عندك تحسن كبير بهاليوم ومن الأوقات الحلوة عندك بعد الضهر يلي بتحملك سفر واتصالات مع ناس غرباء عنك اول مرة بتحكين والاوضاع بتاخدك لبداية شي جديد بحياتك وبتفكر اكتر بناحية دراسات جديدة ..
عاطفيا .. يومك حلو عاطفيا والأوضاع عندك عم تاخد طابع أيجايي بالمجمل ..
■النسبة المئوية :
●مهنيا : %87 ●ماليا : %85 ●عاطفيا : %79 ●صحيا : %83

الميزان

بعد صبح صعب بتتحسن امورك بعد الضهر ..
خليك رايق الصبح ولاتصعد اي خلاف وبعد الضهر عم تخلص من القضايا العالقة عندك وحلها ورتب امورك المالية خصوصا بما يخص الشراكة عندك او ميراث او قصة قضائية بتنحل ..
عاطفيا .. حاول بهاليوم تبتعد عن الزعل ولا تفكر بالماضي الوضع رح يتحسن عندك قريبا ..
■النسبة المئوية :
●مهنيا : %60 ●ماليا : %73 ●عاطفيا : %70 ●صحيا : %69

العقرب

عندك قصص شغل وشراكات بهاليوم ..
رتب امور شغلك وخلصها الصبح وبعد الضهر بتتوتر العلاقات مع الناس وبتكون مو قادر تتحمل حالك والعالم بتصير تستفزك بزيادة حاول تهدى ولا ترد على حدا حتى تتجنب المشاكل وعندك فرصة لاتمام شراكة ..
عاطفيا .. كون رايق بعلاقتك وحاول تفكر بخطبة وماتصعد اي خلاف المسا ..
■النسبة المئوية :
●مهنيا : %61 ●ماليا : %56 ●عاطفيا : %65 ●صحيا : %63

القوس

تحسن بوضعك وفرص لشغل جديد ..
عندك اوقات حلوة وبعد الضهر عم تحس انك مرهق والشغل كتير عليك وماعم تلحق وهالشي عم يتركك بحالة من التعب لكن انت امام تطورات ايجابية اذا ما اهملت شغلك وكمان انتبهلي لصحتك وشغل جديد ناطر ..
عاطفيا .. بدي منك تطمن ولاتقلق مشان العلاقة لكن لازم تقدمو تنازلات انت والشريك حتى يكون في حلول ..
■النسبة المئوية :
●مهنيا : %73 ●ماليا : %62 ●عاطفيا : %68 ●صحيا : %59

الجدي

تطورات بالشغل وبالبيت وتحسن كبير المسا ..
هدي الصبح بوضعك العائلي وبعد الضهر الأمور بالمجمل عم تحطك بالمكان المناسب عندك فرص وحظ واوقات حلوة ونجاح اذا بدك المهم استغل هيك يوم واستفيد من العروض المقدمة الك وحاول تصل ..
عاطفيا .. يوم رومنسي بامتياز فيك فيه تعزز علاقتك او تبدا حب جديد اذا اعذب وحتى ممكن يرجعلك حب قديم ..
■النسبة المئوية :
●مهنيا : %84 ●ماليا : %83 ●عاطفيا : %82 ●صحيا : %85

الدلو

يوم بيدعم عندك الحركة والسفر وقصص بالبيت ..
بدي منك تستغل بداية نهارك لتنجح وتصل وبعد الضهر عم تشعر بمسؤوليات كبيرة عليك وانت مو قادر تحلها خاصة بما يخص بيتك وعائلتك والوضع العام بالشغل لازم تهدى وتفكر بحلول بحكمة ..
عاطفيا .. بهاليوم مو عبعضك و بتشعر بالاهمال ومو مرتاح حاول تلاقي شخص يريح قلبك مو يتعبو ..
■النسبة المئوية :
●مهنيا : %69 ●ماليا : %60 ●عاطفيا : %63 ●صحيا : %67

الحوت

بين المال والاتصالات والسفر عم يكون يومك ..
الصبح مال وبعد الضهر فرصة لتطلع مشوار لتسافر لتتلقى اتصالات لتلتقي عالم ولتقنع برأيك وانتبهلي من حوادث السيارات وحاول تنجز امورك وفي قصة بتخص موبايل عندك وحتى ممكن تشتري سيارة ..
عاطفيا .. فترة ايجابية عم تمر فيها فيك اليوم تطلع مشوار مع الشريك وتعزز العلاقة ..
■النسبة المئوية :
●مهنيا : %76 ●ماليا : %72 ●عاطفيا : %75 ●صحيا : %70

قد يعجبك ايضا