برجك اليوم

المصدر : صفحة  الفلكي منيب الشيخ

أبراج الثلاثاء25ديسمبر2018
القمر مكمل ببرج الأسد

الحمل

تطورات حلوة حظ واخبار بتسعدك ..
وضعك بكون أفضل وفي فرص وعم يحملك اليوم اخبار حلوة حل لمشاكل بالعيلة واحساس بالراحة بعد ايام من التعب حاول تستغل هالشي والحظ معك والأمور رح تكون لصالحك وتسمع خبر حلو ..
عاطفيا .. حب ورومنسية اليوم فبادر اذا عم تفكر تتقرب من الشريك وحتى لو كان حب قديم ..
■النسبة المئوية :
●مهنيا : %87 ●ماليا : %82 ●عاطفيا : %90 ●صحيا : %85

الثور

في عندك موضوع بالبيت ومشغول بالك عأهلك ..
مدايق وبهاليوم شاغلك وضع حدا من اهلك او عم تغير ببيتك وبدك تعمل شي جديد بخص مكان سكنك انتبه و بدون انفعال لان انت بحاجة للراحة حتى ماتتعب صحتك كمان واذا مو صحتك صحة حدا من اهلك..
عاطفيا .. بين أهلك و الحب القديم والفرصة لحب جديد كتير عم تضيع وتحس انو رح تخسر كل شي بس لاتخاف واصبر ..
■النسبة المئوية :
●مهنيا : %64 ●ماليا : %60 ●عاطفيا : %67 ●صحيا : %70

الجوزاء

يوم بيدعمك بتواصل ونجاح وتطورات بالشغل ..
يوم مميز وحضورك طاغي عم تتحرك فيه وتشعر بانك قادر تحل مشاكل ممكن تتلقى اتصالات كتير وتتواصل بشكل جيد وكمان سفر اذا بدك وتكون امورك عم تمشي بطريقة سهلة وانتبه لقصة بتخص اخ الك..
عاطفيا .. دايما عم تبحث عن الهدوء بعلاقتك وماعم تلاقي لازم تعرف وين المشكلة لتحلها .
■النسبة المئوية :
●مهنيا : %78 ●ماليا : %74 ●عاطفيا : %80 ●صحيا : %70

السرطان

انتبه لمصاريفك وضب ايدك وناطر مبلغ ..
يوم بحاجة لاعادة حسابات مالية بتحصل فيه على المال وبكون اغلب تعاملك بقصص دفع او قبض وبتحس انو في بداية لمشروع جديد او شغل وبحاجة منك للتوقيع ولتكون بمكان جديد بيدعم طموحاتك ..
عاطفيا .. عندك رغبة انك تستمر بحب جديد وتعوض العلاقات يلي مرت وتطلع من حالتك .
■النسبة المئوية :
●مهنيا : %67 ●ماليا : %77 ●عاطفيا : %70 ●صحيا : %73

الأسد

يوم منيح بيدعمك بشغل وفرص وحظ ..
بترجع طاقتك بهاليوم وعم تحس انك افضل وتحل مشاكلك و انت اليوم مدعوم بطاقة وحظ حاول تغير الأمور لصالحك وفكر بحياتك بطريقة بعيدة عن القيود وعندك نجاج واخبار حلوة ناطرتك ..
عاطفيا .. عم تلاقي حل لمشكلة عاطفية بس يمكن لازم تفكر كيف تخلص امورك قبل ماتبدا من جديد ..
■النسبة المئوية :
●مهنيا : %89 ●ماليا : %82 ●عاطفيا : %87 ●صحيا : %85

العذراء

انتبه من قصص بالبيت والشغل بهاليوم ..
كون منتبه بهاليوم وماتتسرع بشي ومن الأيام يلي بتحملك عرقلة ومشاكل بشغلك وعدم قدرة على الانجاز هالشي ابدا ماعم يريحك وعم تحس انو الدنيا مسكرة بوجهك فاهدى هاليوم وقريبا انت افضل اكيد ..
عاطفيا .. تعامل مع مجرى الأمور بلامبالاة حتى ما تفوت بحالة تعب وانكسار وكون بعيد عن المشاكل
■النسبة المئوية :
●مهنيا : %64 ●ماليا : %60 ●عاطفيا : %58 ●صحيا : %62

الميزان

منيح يومك بلقاءات وتطورات اجتماعية ومناسبات ..
يوم حلو باللقاءات و مابنصحك تضل لحالك لأن الأجواء الاجتماعية عم تدعيك ليوم حافل بالاصدقاء فلا تفوت هالشي وانتبه من قصص مفاجئة او أمور مو متوقعة واذا في موضوع مهم عندك خلصو اليوم ..
عاطفيا .. الحب عم يتعبك فحاول تبعد عن التفكير بعاطفتك واذا الشخص زاعجك خاصة ..
■النسبة المئوية :
●مهنيا : %74 ●ماليا : %63 ●عاطفيا : %69 ●صحيا : %60

العقرب

انتبه لشغلك ووضعك المهني وفرص شغل ..
خليك جاهز لتطورات مهمة لان كل شي بشغلك بدو تركيز وماتستهين بأي غلطة يوم مهم وحاسم بدك تنتبه كتير لأن الأعداء حولك كتار وبدن يعملو مشاكل فحافظ على شغلك وسمعتك وفرصة عمل ممكنة ..
عاطفيا .. لاتتخذ اي قرار ممكن يأثر على مستقبلك العاطفي وخليك هادي بتعاملك مع الشريك ..
■النسبة المئوية :
●مهنيا : %71 ●ماليا : %64 ●عاطفيا : %69 ●صحيا : %73

القوس

تطورات ايجابية بسفر ولقاءات جديدة ..
منيحة اوضاعك هاليوم ومميز عم تفكر فيه بسفر او عم تلتقي بناس من خارج البلد عم تكون متحرر وافكارك جديدة وبدك تتعلم شي وتبدا من جديد والحظ عم يدعمك لتوصل للنجاح وتكون مقنع ..
عاطفيا .. اخبار حلوة ممكن تسمعها اليوم فخليك متفائل وشارك الحبيب لحظات رومنسية ..
■النسبة المئوية :
●مهنيا : %81 ●ماليا : %83 ●عاطفيا : %88 ●صحيا : %85

الجدي

يوم افضل بحلول وفي مال كمان ..
حاول تكون متفهم بمشاكلك واليوم عندك مصالحات وعندك قصص قضائية بتنحل كمان وانتبه كتير لمصاريفك الزايدة حتى ما توقع بمشكلة وتصرف بهدوء وانشالله وضعك بلش يتحسن ..
عاطفيا .. بعدك مشتت وبدك مبادرة من الشريك لترجع الأمور افضل بعلاقتك معو ..
■النسبة المئوية :
●مهنيا : %67 ●ماليا : %76 ●عاطفيا : %68 ●صحيا : %73

الدلو

ضغط وتوتر بالبيت والشراكات فانتبه ..
مو عبعضك وانفعالك زايد وحالة من الضغط والتوتر عم تحطك بمواقف صعبة وتحس انو كل شي حولك عم يتعبك لكن بالمجمل فيك تبدا شغل جديد مع شركة او توقع عقد بس انتبه من نهاية شراكة ضعيفة عندك ..
عاطفيا .. يمكن البعض عم يفكر بارتباط هاليوم خطبة زواج وعم يحس بنوع من التوتر وعدم فهم الشريك الو .
■النسبة المئوية :
●مهنيا : %59 ●ماليا : %57 ●عاطفيا : %61 ●صحيا : %63

الحوت

عندك بداية شغل ومسؤوليات بدها ترتيب وقصة صحية ..
نظم وقتك وشغلك و لاتحاول تهمل شي من صحتك لاكلك كلو لازم يكون ضمن اولوياتك حتى تخلص يلي عليك والوقت ابدا مو لصالحك والناس ناطرتك على غلطة وانتبهلي من المرض وحاول تثبت حالك . .
عاطفيا .. الحياة بحاجة لشوية تنازلات رغم كل شي وخفف من عصبيتك وساير لتنحل امورك ..
■النسبة المئوية :
●مهنيا : %63 ●ماليا : %56 ●عاطفيا : %60 ●صحيا : %59

قد يعجبك ايضا