برجك اليوم

#أبراج_السبت5يناير2019🔮
القمر بيبقى مكمل ببرج الجدي ♑

#الحمل ♈

تطورات مهنية مهمة انتبه من تشويه سمعة وفرص شهرة ..
يوم بيحمل تغيير بشغلك وانت بحيرة وبدك حل وبعدك مو رايق حافظ على اعصابك هادية ورجع الامور لوضعها الطبيعي كمان حاول لاتتوتر وانتبه لسمعتك وانتظر الامور تنحل بدون ماتصعد خلاف بالشغل ..
عاطفيا .. فترة مهمة بعلاقتك انت قدام خيارين اما الاستمرار او تتحمل وخاصة انو ماعم تعرف شو بدك
■النسبة المئوية :
●مهنيا : %72 ●ماليا : %63 ●عاطفيا : %68 ●صحيا : %70

#الثور ♉

يوم بيحملك سفر واتصالات بعيدة وناس عم تتعرف عليها ..
بهاليوم عندك تطورات حلوة وبتكتر اتصالاتك ويمكن في عندك سفر فترة مميزة وقادر تدفع بمصالحك وتتوج جهودك بنجاح وتقدم انت افضل فكر بشي تعملوا وتغير حالتك وحتى ممكن تبدا قصة جديدة ..
عاطفيا .. حاول انت تبادر لان الحبيب بحاجة الك هي الفترة فلا تكون عنيد وخليه يحس بالأمان معك
■النسبة المئوية :
●مهنيا : %86 ●ماليا : %84 ●عاطفيا : %89 ●صحيا : %81

#الجوزاء ♊

تحسن بوضعك المالي وحلول ومصالحات ..
بهاليوم حاول تطلع من مشاكلك وكمان لا تتسرع ويوم بدك تنتبه فيه وتغير الأوضاع لصالحك وتخفف الضغط عليك وحاول ترتاح وتحل الامور برواق وعندك امور مالية ومصالحات وكل شي عم يكون افضل ..
عاطفيا .. بعد عن النرفزة اليوم وريح بالك وخود استراحة وأنت افضل بكتير وحب ناطرك
■النسبة المئوية :
●مهنيا : %68 ●ماليا : %79 ●عاطفيا : %73 ●صحيا : %76

#السرطان ♋

بداية شراكة والبعض لازم ينتبه ويهدي وماينفعل ..
نهارك في توتر و بعدك مو بعضك وعندك موضوع شراكة جديدة وعم تركز على علاقاتك شاغلك موضوع بخص عقد مع حدا وكمان عم تحس انو كل شي ضدك وضايج ومعصب بس ماتخاف وتكبرها لان رح تمر ..
عاطفيا .. معصب و محتار وماعم تعرف كيف تصل لاستقرار العلاقة والوضع تاعبك كتير وفرص ارتباط للبعض ..
■النسبة المئوية :
●مهنيا : %59 ●ماليا : %61 ●عاطفيا : %68 ●صحيا : %63

#الأسد ♌

يوم في كتير شغل وقصة صحية ..
نظم امورك وخليك جاهز لمسؤولياتك ولاتهمل شي انت قادر تخلص جزء كبير بس انتبهلي لراحتك وصحتك حتى لو انت مو مرتاح ومرهق فكر بايجابية وانت عم تطلع من وضعك الصعب بس خليك دقيق ..
عاطفيا .. مشغول بالك وماعم تعرف كيف تصل لحل وحاسس بفتور بالعلاقة وعندك اشخاص معجبة بشخصيتك ..
■النسبة المئوية :
●مهنيا : %59 ●ماليا : %62 ●عاطفيا : %60 ●صحيا : %57

#العذراء ♍

يوم في حظ واوقات حلوة وعاطفة افضل ..
انت بيوم ايجابي ومدعوم بالحظ وكمان لتحل مشاكلك و لتتقدم بس انتبه لاتفوت بجو التعب وخلص بسرعة وانت نشيط اليوم وعندك لقاءات مهمة وفرص لتحسن بوضعك وتستغل الفرص يلي رح تجيك ..
عاطفيا .. لاتهمل مشاعر الحبيب اليوم ولاتخليه يحس بالغيرة كون رايق حتى ما يصير مشاكل ومن افضل الايام لترجع حب قديم ..
■النسبة المئوية :
●مهنيا : %87 ●ماليا : %81 ●عاطفيا : %90 ●صحيا : %84

#الميزان ♎

قصص وتصليحات وتغيير بالبيت والشغل والاهل ..
مووعبعضك هاليوم وعم تكون متوتر ويوم مابيخلى من التعب بس فيه فترات صعبة عائليا اذا بدك ترتاح لا تعاند واثبت حالك دون استفزاز لحدا كمان عندك قصة بتخص عقار او بيت وكمان تصليحات ببيتك …
عاطفيا .. مشاكل عم تسيطر على العلاقة وعم تلاقي صعوبة بفهم الحبيب وخاصة مع مشاكل المقربين ..
■النسبة المئوية :
●مهنيا : %65 ●ماليا : %62 ●عاطفيا : %60 ●صحيا : %63

#العقرب ♏

بتتحسن اوضاعك فرص سفر ولقاءات وتواصل ..
مميز ويوم ايجابي قادر تقنع فيه وتسافر لكن انتبه من الحوادث وفي لقاءات حلوة ممكنة عندك وامكانية لتشتري قطعة الكترونية او تغير موبايلك وعندك طاقة حلوة استغلها وحتى يمكن تغير سيارتك ..
عاطفيا .. من الاوقات الحلوة بالشهر استغلها وعيش لحظات حلوة خاصة بالنهار
■النسبة المئوية :
●مهنيا : %75 ●ماليا : %73 ●عاطفيا : %80 ●صحيا : %71

#القوس ♐

مصاريف كتير عندك ومال ممكن يجيك ..
بهاليوم بعدك مشغول بامورك المالية وضبط ميزانيتك عم تتزايد المصاريف عندك وفي فرصة لمكسب او هدية من حدا اليوم حاول تفكر بمشروع او قصة جديدة بس بتوقع تكون مالية لانو مخك بالمال ..
عاطفيا .. لاتكبر القصص كون رايق قدر الامكان وتفهم وجهة نظر الحبيب
■النسبة المئوية :
●مهنيا : %69 ●ماليا : %79 ●عاطفيا : %72 ●صحيا : %70

#الجدي ♑

يوم منيح ببدايات جديدة وانفراج وتحسن بطاقتك ..
يوم مناسب لتصل وكمان قادر تحسم الامور لصالحك وبداية شغل جديد ممكن خليك قوي وقادر تغير كل شي بيدعمك اليوم وترجع الامور منيحة وتكون انت المسيطر على الوضع وقادر تحل مشاكلك ..
عاطفيا .. عم ترجع امورك العاطفية وتحسن كبير بعلاقتك ناطرك فلا تخاف وفرص ارتباط ..
■النسبة المئوية :
●مهنيا : %91 ●ماليا : %82 ●عاطفيا : %88 ●صحيا : %84

#الدلو ♒

انتبه من تأجيل وقصة صحية بهاليوم ..
في تأجيل وعدم توفيق عم يسيطر عليك حاسس انو ماعندك قدرة تعمل شي انو مافي شي عم يمشي متل مابدك اصبر وانتبهلي لصحتك ومرقلي هالنهار لأن مافي شي بضل هيك وأمورك رح تتحسن..
عاطفيا .. شعور بالوحدة او حتى الشك عم يزيد تعبك ارتاح ولاتفكر وانطر خبر حلو بهاليومين
■النسبة المئوية :
●مهنيا : %58 ●ماليا : %60 ●عاطفيا : %66 ●صحيا : %59

#الحوت ♓

يوم منيح لتحضر مناسبة او تخطب او تنعزم ..
بتكون مميز بحضورك وانت افضل واجتماعي وعم تتفاعل بين الاصدقاء والناس عم تساعدك لتصل وتكون مرتاح نسبيا لكن أمورك فيها قلق انتبه من رايك وحاول ماتبقى لحالك حتى تقضي وقت حلو مع رفقاتك ..
عاطفيا .. عم تعيش اوقات حلوة بالرغم من الضغط الكبير عليك ومشرق حاول تستغل نهارك ..
■النسبة المئوية :
●مهنيا : %73 ●ماليا : %66 ●عاطفيا : %78 ●صحيا : %75

المصدر: الفلكي منيب الشيخ

قد يعجبك ايضا