برجك اليوم

 أبراج الاثنين11مارس2019 
القمر بكرا عم يكمل ببرج الثور

 الحمل

عندك صرف كتير وناطر مال بهاليوم ..
عندك كتير قصص مالية والتزامات وعم يدور يومك حول امور مالية عم تشتغل او تفكر بشغل جديد وناطر مبلغ يجيك وعم تصرف كتير كمان انتبه لمصروفك وصار لازمك موارد جديدة للمال حتى تحسن وضعك ..
♡ عاطفيا : انت بوضع جيد لكن عم يكون عندك نوع من الارهاق ماعم تعرف السبب ..
■النسبة المئوية :
●مهنيا : %65 ●ماليا : %80 ●عاطفيا : %72 ●صحيا : %74

 الثور

اخبار حلوة وتحسن بوضعك ودعم من شخص الك ..
بترتفع طاقتك وبتكون قوي ومن أفضل الأيام ناطرك لترجع مكانتك عند الكل وتحسن وضعك بشكل كبير تتخلص من مشاكلك وبتلاقي حالك عم تسمع اخبار حلوة وتفتح صفحة جديدة بحياتك باتجاه الأفضل ..
♡ عاطفيا : انت جذاب وهالشي بيدعمك لتحصل على اوقات حلوة مع الشريك وفرصة لحب جديد ..
■النسبة المئوية :
●مهنيا : %91 ●ماليا : %85 ●عاطفيا : %88 ●صحيا : %87

 الجوزاء

حاول تهدي بهيك يوم وماتبدا بشي جديد ..
مدايق وعم يكون يومك بطيء يمكن مايكون فيه شي خطير لكن انت بتكون حاسس بكتير من الانزعاج وبتكتشف اشخاص على حقيقتها بهاليوم مشان هيك اصبر وحاول تهدي هاليوم وما تستفز حدا ..
♡ عاطفيا : يومك بيشهد رغبة منك بالانعزال عن الكل وماعم تعرف لي هيك عم تشعر ..
■النسبة المئوية :
●مهنيا : %60 ●ماليا : %66 ●عاطفيا : %62 ●صحيا : %59

 السرطان

اجواء حلوة لتلتقي أشخاص بتحبن وتعزز علاقاتك ..
يوم لتثبت حالك بحضورك وعم يكون في كتير لقاءات وعزايم مع الاصحاب وبتحس بدعم صديق الك لتحقيق امنية ببالك وانت رح تكون ملفت وقادر تحصل على الدعم من كل الناس يلي معك ..
♡ عاطفيا : استغل حضورك الطاغي بهاليوم لتحول صداقة لحب اذا ناطر هالشي ..
■النسبة المئوية :
●مهنيا : %78 ●ماليا : %70 ●عاطفيا : %76 ●صحيا : %73

 الأسد

يوم مصيري بشغل واخبار ناطرها ..
كتير ناس عم تراقبك وعم يكون يومك مهم لامتحان او اختبار او شغل جديد والمسؤولية على عاتقك كبيرة والعين عليك وممكن ترقية بشغلك او حدا ينتقدك لاتستفز المسؤولين وهدي ولا تخالف القوانين بهاليوم ..
♡ عاطفيا : يوم مصيري بعلاقتك بالشريك مشان هيك لازم تكون متفهم وهو لازم يقدر ظروفك ..
■النسبة المئوية :
●مهنيا : %76 ●ماليا : %70 ●عاطفيا : %68 ●صحيا : %73

 العذراء

بيدعمك هاليوم بسفر وأجواء حلوة ولقاءات ..
من الأيام يلي بتحملك تحسن كبير عم تسافر او تتلقى اتصالات بعيدة او حتى تتعرف على ناس غريبة عنك وبتكون محط انظار وقادر تنجح بهاليوم ويكون في دعم الك وقادر تقنع وتوصل رايك ..
♡ عاطفيا : وضعك العاطفي بيتحسن بهاليوم وبيشهد عودة الروح الك وعلاقة جديدة ممكنة ..
■النسبة المئوية :
●مهنيا : %78 ●ماليا : %86 ●عاطفيا : %83 ●صحيا : %88

 الميزان

بترتاح نسبيا وبكون عندك مال وحل لقصة شاغلتك ..
بتقدر تغير وضعك ويوم بيحملك تحسن بوضعك المالي والمهني وحلول وكمان بتلاقي حالك عم تحل مشكلة قضائية او قانونية وعندك شفاء من مرض قديم والوضع ملائم لتهدي الاجواء مع شركاء الشغل ..
♡ عاطفيا : انت بوضع افضل وفرصة لتتقرب من الشريك بهاليوم وتحسن حالتك ..
■النسبة المئوية :
●مهنيا : %67 ●ماليا : %75 ●عاطفيا : %70 ●صحيا : %72

 العقرب

يوم لتتم شراكة وارتباط وانتبه من التوتر ..
عم تتوتر بسرعة هاليوم وعندك شراكات جديدة وشغل اذا عرفت كيف تتصرف ولازم تستغل هاليوم لصالحهك اما البعض فعندن توتر كبير ومشاكل بتأثر على الشغل وممكن تنهي الشراكة اذا كانت ضعيفة ..
♡ عاطفيا : يوم مناسب لارتباط عندك والبعض من المرتبطين عم يكون في مشاكل عندن انتبهو ..
■النسبة المئوية :
●مهنيا : %61 ●ماليا : %58 ●عاطفيا : %66 ●صحيا : %63

 القوس

يوم في شغل كتير وموضوع صحي بيشغلك ..
هاليوم لازم تنظم شغلك لأنك عم تدخل يوم بيحملك كتير من الشغل يلي بدو تنظيم حتى تلحق وحاول تخلص الضروري وتحاول ترتاح مشان ماتمرض بهي الفترة وفي تبدا نظام غذائي وصحي بهاليوم ..
♡ عاطفيا : لازم الشريك يقدر تعبك ويهتم فيك زيادة بهاليوم لأن انت بحاجتو هالفترة ..
■النسبة المئوية :
●مهنيا : %59 ●ماليا : %60 ●عاطفيا : %66 ●صحيا : %57

 الجدي

يوم لتحسن الحظ والعاطفة للأفضل عندك ..
عم تجتاز فترة صعبة وتكون أفضل ومن الايام الحلوة يلي بتحملك تطورات ايجابية ودعم من الحظ الك لتحصل على اوقات حلوة وممتعة وتكون امام فرص بتدعمك مهنيا ويوم جيد للانجاب والاطفال كمان ..
♡ عاطفيا : من أفضل الأوقات العاطفية لرجعة حب قديم او بداية حب جديد ..
■النسبة المئوية :
●مهنيا : %84 ●ماليا : %85 ●عاطفيا : %90 ●صحيا : %80

 الدلو

عندك مصاريف بيتية زايدة وقصة عائلية شاغلتك ..
حاول تهدي هاليوم بتعاملك وعم تشغلك صحة حدا من اهلك وتغيير مكان شغلك بهاليوم كمان عندك عقار يمكن بدك تبيع او تشتري وحاول تهدي وتحسن جو العيلة عندك قدر الأمكان وتصليحات بالمنزل عندك ..
♡ عاطفيا : انت مو مرتاح وكتير عم تحاول توفق بين حبك وعيلتك بهاليوم ..
■النسبة المئوية :
●مهنيا : %64 ●ماليا : %70 ●عاطفيا : %61 ●صحيا : %60

 الحوت

يوم بيحمل تطورات ايجابية ونجاح وتواصل وسفر ..
يوم من الأيام الجيدة عم تكون مليان نشاط وطاقة وقادر تتحرك وتدفع بمصالحك مقنع بتواصلك بهاليوم وفي عندك سفر قصير واتصالات كتير وبيع اووشراء سيارة او موبايل وانتبهلي من الاعطال والحوادث ..
♡ عاطفيا : يوم حلو لتقضي وقت ممتع مع الشريك وتحل المشاكل اذا كانت موجودة ..
■النسبة المئوية :
●مهنيا : %80 ●ماليا : %75 ●عاطفيا : %77 ●صحيا : %74

 الفلكي منيب الشيخ

قد يعجبك ايضا