برجك اليوم

 أبراج_الجمعة27أبريل2019 
القمر بكرا الضهر بينتقل لبرج الدلو

 الحمل

أجواء بتدعمك بشغل وعلاقات وعزايم ..
ضغط عليك وبتحس انو في كتير ناس عندك عم يحاولوا يتلاعبو معك صباحا لكن من من الضهر عم يكون يومك حافل باللقاءات الاجتماعية مع الاصحاب والعيلة ورح تكون ملفت بحضورك وقادر تطلب مساعدة من صديق اذا بدك وكمان يمكن تشوف شخص غالي عليك ..
♡عاطفيا : حاول تستغل حضورك بهاليوم لتحسن علاقاتك بمحيطك وتكون جاذبيتك عالية ..
■النسبة المئوية :
●مهنيا : %78 ●ماليا : %70 ●عاطفيا : %77 ●صحيا : %67

 الثور

تطورات حلوة صباحا ومن الشهر ركز وانتبه ..
عندك بداية يوم حلوة وتطورات ايجابية بنهارك لكن من الضهر عم يكون متل اختبار حقيقي لازم تكون جاهز وقد المسؤولية وتنجز كل شي بدقة عالية بدون ماتخالف القوانين ويمكن تتعرض سمعتك للحكي من بعض الناس الأعداء الك فانتبه ..
♡عاطفيا : تطورات عاطفية منيحة بتحتاج منك عدم التسرع وانو تختار الأريح لقلبك ..
■النسبة المئوية :
●مهنيا : %72 ●ماليا : %66 ●عاطفيا : %74 ●صحيا : %69

 الجوزاء

عندك لقاءات مهمة وتحسن مالي بهاليوم ..
عم يكون نهارك منيح لتحل مشاكل عندك وتحصل على مال اما من الضهر عندك فرصة لتعمل شي بحياتك هالفترة ممكن تتعرف على شخص جديد وترتاح معو او تفكر بشغل معو وممكن كمان تطور امورك بالشغل وتسافر وتتواصل مع ناس كتير ..
♡عاطفيا : بدي منك تفكر بتجديد بقلبك وخاصة بعلاقتك ويمكن في شخص جديد عم يكون ناطرك ..
■النسبة المئوية :
●مهنيا : %76 ●ماليا : %80 ●عاطفيا : %88 ●صحيا : %77

 السرطان

شراكات وتحسن مالية ومهني وعلاقات ..
عندك نهار لشراكات جديدة او توقيع عقد اما من الضهر يومك عم يكون افضل وتحسن تدريجي عندك يمكن تحصل على مال من شراكة او ميراث او حتى هدية وعم تحل مشكلة كانت شاغلتك وترتاح شوي من الضغوط ..
♡عاطفيا : اوضاعك افضل وتطورات بتريحك بمجرى العلاقة بهاليوم عندك ..
■النسبة المئوية :
●مهنيا : %64 ●ماليا : %74 ●عاطفيا : %70 ●صحيا : %68

 الأسد

عندك بداية شغل وفرص شراكة وارتباط ..
بداية نهارك فيها كتير شغل وخاصة بالبيت اما من الضهر عندك كتير نقاش شي بطعمة وشي بلا طعمة مع ناس مابتريحك من الاساس حاول تساير لأن مارح يكون الحظ معك باي مواجهة وفكر اكتر بشراكة جديدة او شغل وبعد عن الاستفزاز ..
♡عاطفيا : عم يكون في كتير خناق بينك وبين الشريك هاليوم شي طبيعي بس هدو الامور ..
■النسبة المئوية :
●مهنيا : 60 ●ماليا : %61 ●عاطفيا : %68 ●صحيا : %63

 العذراء

يومك حلو ببدايتو وصحيا انتبه وشغل جديد ..
عندك نهار بيدعمك لتعمل وتنجز كتير امور وتكون عاطفتك تمام اما من الضهر عندك كتير شغل لكن انت قادر تخلص كل شي بوقتو وتحل امورك بدك بس تنظم وقتك وتنتبه لصحتك وتخلص الضروري أول بأول حتى مايتراكم عليك ..
♡عاطفيا : لازم يسندك الشريك بهيك يوم ولازم يقدر ظروفك حتى مايخلق مشكلة ..
■النسبة المئوية :
●مهنيا : %70 ●ماليا : %66 ●عاطفيا : %75 ●صحيا : %64

 الميزان

عندك حلول بالبيت وقصة عاطفية بتسعدك ..
صباحك عم يشغلك صحيا وبامور بتخص البيت عندك اما الضهر بتتحسن امورك بشكل كبير وفيك تحل مشاكل كانت تاعبتك وفي فرص بتغيرلك وضعك للأفضل كمان بتحصل على اوقات حلوة مع اشخاص طاقتن ايجابية بهاليوم ..
♡عاطفيا : فكر اليوم بحب ممكن يجيك ويحسن وضعك العاطفي بشكل كبير حتى ممكن شخص من الماضي ..
■النسبة المئوية :
●مهنيا : %79 ●ماليا : %80 ●عاطفيا : %85 ●صحيا : %83

 العقرب

تطورات بحركة والمسا انتبه لأهل بيتك ..
صباحك ونهارك عم بحملوا الك حركة ونشاط وشغل ونجاح اما من الضهر عم يكون في قصة ببيتك عم تشغلك مابعرف اذا بدك تصلح شي او تبيع عقار او حتى تهتم بحدا من اهلك حاول تكون هادي ورايق وانشالله يوم بكون منيح بعدها ..
♡عاطفيا : لاتتسرع وتضعف قدام حدا واترك الامور وتأكد انو رحوتسمع اخبار حلوة لكن مو بهاليوم ..
■النسبة المئوية :
●مهنيا : %66 ●ماليا : %60 ●عاطفيا : %67 ●صحيا : %63

 القوس

بين تطورات مالية ومهنية وشغل ولقاءات يومك ..
بعد صباح عم يحملك قصص بتخص شغل وتعاملات مالية بدفع وقبض من الضهر عم يكون فيك تطلع وتشوف ناس بتحبن وتكون حاضر وبقوة وتغير كل شي لصالحك والسفر بكون ميسر بهاليوم وحتى اتصالاتك بتكون ناجحة والاوراق عندك بتمشي ..
♡عاطفيا : استغل حضورك وحاول تحصل على ثقة الشريك بشي مشورا رومنسي معو ..
■النسبة المئوية :
●مهنيا : %78 ●ماليا : %67 ●عاطفيا : %79 ●صحيا : %70

 الجدي

أنت افضل مهنيا وماليا من الضهر وانفراجات..
الصبح عندك طاقة عالية ونهار بيدعمك على كل الأصعدة أما من الضهر يمكن عم تبلش مشروع جديد وعم تفكر تطور وضعك لتزيد مواردك المالية لكن كمان عم تفرد ايدك زيادة وعم تصرف بدون ماتحس هالشي بدو انتباه لوضعك العام ..
♡عاطفيا : عم تفكر تجيب هدية للشريك وتعزمو او تحصل على هدية منو ..
■النسبة المئوية :
●مهنيا : %84 ●ماليا : %80 ●عاطفيا : %78 ●صحيا : %83

 الدلو

هدي صباحا لأن الضهر كل شي بيتغير لصالحك ..
يمكن تكون مو مرتاح بصباحك وكتير قصص شاغلتك وماعم تمشي لكن من الضهر بترجع ثقتك بحالك قادر تحل الأمورك بهاليوم وتكون ملفت للكل والناس بتدعمك بيرجع الحظ معك وبيدعمك كمان في تغييرات بتكون لصالحك هاليوم فتفائل ..
♡عاطفيا : من الضهر بتسمع صوت شخص غايب وبتحس انو يلي تركك انكسر وصار بدو يرجعلك ..
■النسبة المئوية :
●مهنيا : %86 ●ماليا : %84 ●عاطفيا : %88 ●صحيا : %80

 الحوت

بين اجواء اجتماعية وتعب عم يكون نهارك فانتبه..
عم يكون حضورك محبب للكل وكتير ناس بتدعمك لكن من الضهر حاول تبعد عن الاشخاص السلبيين بدي منك تنتبه من بعض العالم يلي عندك بوجهين وماتعطي ثقتك غير بناس محددين وانشالله يوم وبيتغير وضعك للأفضل ..
♡عاطفيا : عم يكون وضعك مكركب وماعم ترضى عن معاملة الشريك معك بهاليوم ..
■النسبة المئوية :
●مهنيا : 60 ●ماليا : %61 ●عاطفيا : %68 ●صحيا : %64

 الفلكي منيب الشيخ

قد يعجبك ايضا